1/144 斑鳩 - 飛鉄塊 銀鶏 [白]

今次係第二次砌壽屋既斑鳩系列, 自小就好鍾意斑鳩呢隻射擊Game, 記得Dreamcast時成日玩:-D
銀鶏係斑鳩系列裡既2P機!! 模型既原型由伊世谷大士製作!! 外形可以話係一流, 而且比起1P既斑鳩易砌同件數比較少, 只係"小翼"組合比較煩, 最好用AA膠接合!!

話明係"銀鶏", 所以顏色上用了銀色夾白色, 再噴一層"真珠色"係上面! 但由於只係用噴罐既關係, 所以唔太明顯!! 改造上也沒有太大特別, 只係加左把光劍俾佢 :-)

D-style Patlabour NYPD ver.

我覺得壽屋D-style系列, 無論外型同分件一向比bandai 既SD好, 所以都忍唔住入手 XD

噴NYPD (New York Police Department), 已經唔係第一次, 之前MG Patlabour都試過, 所以繼續噴NYPD ver. 由於SD既關係唔咩野地方改野, 所以嘗試加燈, 本來買左一D switchs, leds. 但最後用左最簡單既方法, 因為佢個頭夠大, 可以連電池放埋入去, 雖然效果麻麻地 ^_^!!

壽屋non-scale武御雷 Type-00R

由 Game 到壽屋出模型再到動畫化, 一路都好鍾意"武御雷"呢隻機體, 覺得佢好似EVA既初號機之如仲有一陣"殺氣"!!

斷斷續續整左差唔4-5個月, 終於係版聚前完成 (雖然仲有推進器未整 :-P), 模型主體已經一流, 只係加左D細部, 只係無跟原本的color scheme去整:-P...

最後十分喜歡透明紅既效過, 紅色是本身既紅色, 只係噴左銀色係底面^_^
希望大家鍾意 :-)